കോഴിക്കോട്: അര്‍ജുന്റെ കുടുംബം ഉന്നയിച്ച ആരോപണങ്ങളില്‍ പ്രതികരിച്ച് ലോറി ഉടമ മനാഫ്. അര്‍ജുനെ കാണാതയ സംഭവത്തിലോ തുടര്‍ന്ന് നടത്തിയ തെരച്ചിലിലോ മുതലെടുപ്പ് നടത്തിയിട്ടില്ലെന്നും കുടുംബത്തിന് എന്തെങ്കിലും വൈകാരികമായി തോന്നിയെങ്കില്‍ മാപ്പ് ചോദിക്കുന്നുവെന്നും മനാഫ് പറഞ്ഞു. 

ഇത്തരമൊരു വാര്‍ത്താസമ്മേളനം സ്വപ്‌നത്തില്‍ പോലും ആലോച്ചിരുന്നില്ലെന്ന് മനാഫ് പറഞ്ഞു. ജനങ്ങളുടെ മുന്നില്‍ സത്യാവസ്ഥ പറയാന്‍ വേണ്ടിയാണ് മാധ്യമങ്ങളെ കാണുന്നത്. അര്‍ജുനായി അവസാനം വരെ നിലനിന്നു. അവനെ വീട്ടിലെത്തിച്ച ശേഷമാണ് ദൗത്യം അവസാനിപ്പിച്ചത്. ദൗത്യത്തില്‍ ഒരിടത്തും പിആര്‍ വര്‍ക്ക് ചെയ്തിട്ടില്ലെന്നും മനാഫ് പറഞ്ഞു.

അര്‍ജുന്റെ കുടുംബത്തിനോടൊപ്പമാണ് താനും തന്റെ കുടുംബവും നില്‍ക്കുന്നത്. ഇങ്ങനെയെത്തിയതില്‍ താനായാലും അവരായാലും കുറച്ചുകൂടി ഉത്തരവാദിത്വത്തോടെ പെരുമാറേണ്ടിയിരുന്നു. മുബീന്‍ തന്റെ നേരിയ അനിയനാണ്. അവനാണ് ഈ വാഹനത്തിന്റെ ആര്‍സി ഓണര്‍. തങ്ങള്‍ പാര്‍ട്ണര്‍ഷിപ്പില്‍ കച്ചവടം ചെയ്യുന്നവരാണ്. വാഹനം രണ്ടുപേരുടെയും കൂടിയാണെന്നും മനാഫ് പറഞ്ഞു.

 'No Attempt to Influence No Financial Transactions Related to Arjun'Manaaf statement