തിരുവനന്തപുരം: വീണ്ടും മുഖ്യമന്ത്രിയെ ചതിച്ച് മൈക്ക്. മന്ത്രിസഭാ യോഗത്തിന് ശേഷം തിരുവനന്തപുരത്ത് മാധ്യമങ്ങളെ കാണുന്നതിനിടെയാണ് മുഖ്യന് മുന്നില്‍ വീണ്ടും മൈക്ക് പണിമുടക്കിയത്. 

മുഖ്യമന്ത്രി സംസാരിച്ച് തുടങ്ങുമ്പോള്‍ തന്നെ മൈക്കിന് എന്തോ ചെറിയ പ്രശ്നം അനുഭവപ്പെടുകയായിരുന്നു. എന്നാല്‍ നീരസം പ്രകടമാക്കാതെ 'മൈക്കിന് എന്നോട് എപ്പോഴും ഇങ്ങനെയാണ്. അപ്പം നിങ്ങള്‍ക്കൊരു വാര്‍ത്തയായല്ലോ..എന്ന് ചിരിച്ചു കൊണ്ട് പ്രതികരിച്ചു. സദസിലുള്ളവരും മുഖ്യമന്ത്രിക്കൊപ്പം ചിരിച്ചു. പിന്നാലെ മൈക്ക് ഓപ്പറേറ്റര്‍ മൈക്ക് ശരിയാക്കി വാര്‍ത്താ സമ്മേളനം തുടര്‍ന്നു.

മുഖ്യമന്ത്രി പിണറായി വിജയന്‍ സംസാരിക്കുന്ന അവസരങ്ങളില്‍ പലപ്പോഴും മൈക്ക് വില്ലനായി പണികൊടുക്കാറുണ്ട്. വാര്‍ത്താ സമ്മേളനമായാലും പൊതുവേദിയായാലും മൈക്കുകള്‍ പല തവണ മുഖ്യനുമായി ഉടക്കിലാവാറുണ്ട്.