തൊടുപുഴ: 'പൊതു വിദ്യാലയങ്ങളെ പഴയകാല പ്രതാപത്തിലേക്ക് തിരികെ വരുക ' എന്ന മുദ്രാവാക്യമുയര്‍ത്തി കെ.എസ്.യു ജില്ലാ കമ്മിറ്റി നടത്തുന്ന കാംപയിന്റെ ഭാഗമായി തൊടുപുഴ ഗവ.എച്ച്.എസ്.എസ് ല്‍ പ്രവേശനോത്സവം നടത്തി. പ്രവേശനോത്സവം കെ.എസ്.യു ജില്ലാ പ്രസിഡന്റ് ടോണി തോമസ് ഉദ്ഘാടനം ചെയ്തു. പൊതുവിദ്യാലയങ്ങളെ സംരക്ഷിക്കുവാനായി സര്‍ക്കാര്‍ ഉദ്യോഗസ്ഥരുടെയും ജനപ്രതിനിധികളുടെയും മക്കളെ ഗവ.സ്‌കൂളുകളില്‍ ചേര്‍ക്കുവാന്‍ സര്‍ക്കാര്‍ നിയമനിര്‍മാണം നടത്തണമെന്ന് അദേഹം ആവശ്യപ്പെട്ടു. കെ.എസ്.യു മുന്‍ ജില്ലാ പ്രസിഡന്റ് നിയാസ് കൂരാപ്പിള്ളി പ്രവേശനോത്സവ സന്ദേശം നല്‍കി. പുതുതായി പ്രവേശനം നേടിയ കുട്ടികള്‍ക്ക് മധുര പലഹാരങ്ങളും പേനകളും സമ്മാനിച്ചു. മുഹമ്മദ് അസ്‌ലം, എബി മുണ്ടക്കന്‍, ഉമേഷ് ഉദയന്‍ ,സല്‍മാന്‍, സോയിമോന്‍ എന്നിവര്‍ നേതൃത്വം നല്‍കി. ഹെഡ്മാസ്റ്റര്‍ രാജേന്ദ്ര പ്രസാദ്, അധ്യാപകരായ സന്തോഷ്, ഷീജ ,ശോഭന എന്നിവരുടെ  സാന്നിധ്യത്തിലായിരുന്നു പ്രവേശനോത്സവം.