ദുബൈ:ഇന്ത്യൻ ഇൻസ്റ്റിറ്റ്യൂട്ട് ഓഫ് ഫോറിൻ ട്രേഡിന്റെ (ഐ.ഐ.എഫ്.ടി) ആദ്യ വിദേശ കാംപസ് അടുത്ത വർഷം ആദ്യം ദുബൈയിൽ തുറക്കുമെന്ന് ഇന്ത്യൻ വാണിജ്യ-വ്യവസായ മന്ത്രാലയം അറിയിച്ചു. ദുബൈ എക്സ്പോ സിറ്റിയിലെ ഇന്ത്യ പവലിയനിലാണ് കാംപസ് പ്രവർത്തിക്കുക. ഹ്രസ്വ-ഇടത്തരം പരിശീലന പരിപാടികളും ഗവേഷണ അവസരങ്ങളും വാഗ്ദാനം ചെയ്തുകൊണ്ടായിരിക്കും പ്രവർത്തനം.

രാജ്യാന്തര ബിസിനസ്സിൽ മാസ്റ്റർ ഓഫ് ബിസിനസ് അഡ്മിനിസ്ട്രേഷൻ (എം.ബി.എ) പ്രോഗ്രാം ആത്യന്തികമായി സമാരംഭിക്കുക എന്നതാണ് കാംപസിന്റെ ലക്ഷ്യം. ഇത് ഇതിനകം തന്നെ ഐ.ഐ.എ ഫ്.ടിയുടെ ഇന്ത്യയിലെ പ്രധാന പരിപാടിയാണ്. 

ഐ.ഐ.എഫ്.ടിയുടെ പുതിയ ദുബൈ കാംപസ് യു.എ.ഇയിൽ നിന്ന് മാത്രമല്ല, അന്താരാഷ്ട്ര വ്യാപാരത്തിൽ പരിശീലനവും ഗവേഷണ സാധ്യതകളും തേടുന്ന ലോകത്തിന്റെ മറ്റ് ഭാഗങ്ങളിൽ നിന്നുള്ള വിദ്യാർത്ഥികളെയും പ്രൊഫഷണലുകളെയും ആകർഷിക്കുമെന്ന് കേന്ദ്ര വാണിജ്യ, വ്യവസായ മന്ത്രി പിയുഷ് ഗോയൽ പ്രതീക്ഷിച്ചു. 

ദുബൈയുടെ സ്ഥാനവും ചടുലതയും അത്യാധുനിക ഗവേഷ ണവും പരിശീലനവുമുള്ള ഒരു ലോകോത്തര സ്ഥാപനമായി ഐ.ഐ.എഫ്.ടിയെ മാറ്റുമെന്ന് വൈസ് ചാൻസലർ രാകേഷ് മോഹൻ ജോഷി പറഞ്ഞു. ഇന്ത്യൻ വാണിജ്യ, വ്യവസായ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായി 1963-ൽ നിലവിൽ വന്ന ഈ സ്ഥാപനത്തിന് ഡീംഡ് യൂണിവേഴ്സിറ്റി പദവിയുണ്ട്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക