കുവൈത്ത് സിറ്റി:കുവൈത്തിലെ ഫർവാനിയയിൽ 10 ബാഗ് ഹെറോയിനുമായി പ്രവാസി പിടിയിലായി. ഫർവാനിയ സെക്യൂരിറ്റി ഡയറക്ടറേറ്റിൻ്റെ സപ്പോർട്ട് പട്രോളിംഗിലെ ഉദ്യോഗസ്ഥരാണ് ഹെറോയിനുമായി കണ്ടെത്തിയ പ്രവാസിയെ അറസ്റ്റ് ചെയ്തത്. പ്രതിയെ ജനറൽ ഡിപ്പാർട്ട്മെന്റിലേക്ക് റഫർ ചെയ്തു.

കഴിഞ്ഞ ദിവസം രാത്രി ഫർവാനിയ മേഖലയിൽ പതിവ് പട്രോളിങ്ങിനിടെയാണ് സംഭവമെന്ന് സുരക്ഷാ വൃത്തങ്ങൾ റിപ്പോർട്ട് ചെയ്തു. സംശയം തോന്നി ഉദ്യോഗസ്ഥർ തടഞ്ഞുനിർത്തിയപ്പോൾ ഓടി രക്ഷപ്പെടാൻ ശ്രമിച്ച പ്രതിയെ പട്രോളിംഗ് ഉദ്യോഗസ്ഥർ പിടികൂടുകയായിരുന്നു. തുടർന്ന് നടത്തിയ പരിശോധനയിൽ ഇയാളുടെ കൈയ്യിൽ നിന്ന് 10 ബാഗ് ഹെറോയിൻ പിടികൂടിയത്. മറ്റൊരു വ്യക്തിക്ക് വേണ്ടി മയക്കുമരുന്ന് കടത്തിയതായി ചോദ്യം ചെയ്യലിൽ പ്രവാസി സമ്മതിച്ചു. മയക്കുമരുന്ന് കൈമാറാൻ പോകുന്നതിനിടെയാണ് പിടിയിലായതെന്നും പ്രതി പറഞ്ഞു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക