ലഖ്‌നൗ: ഉത്തര്‍പ്രദേശില്‍ വരാനിരിക്കുന്ന കുംഭമേളയ്ക്ക് മുന്നോടിയായി സനാതന ഭക്ഷണ ശാലകള്‍ മാത്രം അനുവദിക്കണമെന്ന് ആവശ്യപ്പെട്ട് ഹിന്ദു സന്യാസി സംഘടന രംഗത്ത്. അഖില ഭാരതീയ അഖാഡ പരിഷത്താണ് ആവശ്യവുമായി രംഗത്തെത്തിയത്. മേളയുമായി ബന്ധപ്പെട്ട ഉറുദു പദങ്ങള്‍ മാറ്റണമെന്നും സംഘടന ആവശ്യപ്പെട്ടു. പ്രയാഗ് രാജില്‍ അടുത്ത വര്‍ഷം നടക്കാനിരിക്കുന്ന കുംഭമേളയുടെ വിശുദ്ധി സംരക്ഷിക്കുന്നതിന്റെ ഭാഗമാണിതെന്നും ഇവര്‍ പറയുന്നു. 

കുംഭമേളയിലെ പ്രധാന ചടങ്ങായ ഷാഹി സ്‌നാന്‍, പെഷ് വായ് എന്നീ ഉറുദു പദങ്ങള്‍ ഹിന്ദിയിലേക്ക് മാറ്റി രാജ്‌സി സ്‌നാന്‍, ഛാവ്‌നി പ്രവേശ് എന്നിങ്ങനെ മാറ്റണമെന്നാണ് ആവശ്യം. 

'സനാതനികള്‍ അല്ലാത്തവരെ ഭക്ഷണശാലകള്‍ സ്ഥാപിക്കാന്‍ അനുവദിക്കരുത്. അവരെ വിലക്കുന്നതിന് പ്രമേയം പാസാക്കുമെന്നും ഇതുസംബന്ധിച്ച് മുഖ്യമന്ത്രി യോഗി ആദിത്യനാഥിന് പ്രമേയം കൈമാറുമെന്നും അഖില ഭാരതീയ അഖാഡ പരിഷത്ത് നേതാവ് മാഹന്ത് രവീന്ദ്ര പുരി പറഞ്ഞു. 

akhila bharathiya akhada parishad on kumbhmela