കോട്ടായി: ജില്ലയിലെ രജിസ്റ്റര്‍ ഓഫിസുകള്‍ സര്‍ട്ടിഫിക്കറ്റുകള്‍ കിട്ടുന്നില്ല. ജനം ദുരിതത്തല്‍. ജില്ലയിലെ രജിസ്റ്റര്‍ ഓഫിസുകളില്‍ ഓണ്‍ ലൈന്‍സംവിധാനത്തിലൂടെ മാത്രമേ നല്‍കുകയുള്ളൂവെന്ന് ജീവനക്കാരുടെ നിര്‍ബന്ധ ബുദ്ധികാരണം ഓണ്‍ ലൈനിലൂടെ അപേക്ഷ സമര്‍പ്പിച്ചിട്ടുള്ള സാധാരണക്കാര്‍ക്ക് ഓഫിസില്‍ നിന്നും സര്‍ട്ടിഫിക്കറ്റ് നേരിട്ട് കൈപറ്റാന്‍ കഴിയാതെ വന്നതിനാല്‍ സാധാരണജനങ്ങള്‍ക്ക് സര്‍ട്ടിഫിക്കറ്റുകള്‍ യഥാസമയം ലഭിക്കാതെ ബുദ്ധിമുട്ടനുഭവിക്കുന്നു.
ഓണ്‍ലൈന്‍ രജിസ്‌ട്രേഷന്റെ ഭാഗമായി നടപ്പിലാക്കിയിട്ടുള്ള സംവിധാനത്തില്‍ തന്നെ അപേക്ഷകര്‍ക്ക് സര്‍ട്ടിഫിക്കറ്റുകള്‍ ഓണ്‍ ലൈനില്‍ അപേക്ഷ നല്‍കിയതിന് ശേഷം നേരിട്ട് ഓഫിസ് മുഖാന്തിരമോ, ഇ പേയ്‌മെന്റ് വഴി ഓണ്‍ലൈന്‍ മുഖനേയോ, മണി ഓര്‍ഡര്‍ മുഖാന്തിരം തപാലിലോ സര്‍ട്ടിഫിക്കറ്റുകള്‍ കൈപ്പറ്റുന്നതിനുള്ള സേവനം ഉറപ്പാക്കിയിട്ടുണ്ടെങ്കിലും ഉദ്യോഗസ്ഥര്‍ തങ്ങളുടെ ജോലി ലഘൂകരിക്കുന്നതിന് വേണ്ടി ജനങ്ങളുടെ അജ്ഞത മുതലാക്കി ഇത്തരത്തിലുള്ള പ്രവര്‍ത്തനങ്ങള്‍ നടത്തി വരികയും ഇത്മൂലം ജനങ്ങള്‍ക്ക് ഓഫിസിലെത്തി സര്‍ട്ടിഫിക്കറ്റുകള്‍ ലഭിക്കാതെ രോഷകുലരാകുകയാണ്. ഇതിന് ഉടനടി പരിഹാരം കാണണമെന്ന് ജനങ്ങള്‍ ആവശ്യപ്പെടുന്നു.