സെന്റ് ലൂയിസ്: ആഴ്‌സനല്‍ ക്യാപ്റ്റന്‍ ലോറന്റ് കോസല്‍നി ഫ്രഞ്ച് ക്ലബായ ബോര്‍ഡെക്‌സില്‍.
ഏകദേശം 5 മില്യന്‍ യൂറോ (40 കോടി) നല്‍കിയാണ് ഫ്രഞ്ച് പ്രതിരോധ താരത്തെ ബോര്‍ഡെക്‌സ് സ്വന്തമാക്കുന്നത്. താരത്തെ ആഴ്‌സനലില്‍ തന്നെ നിലനിര്‍ത്താന്‍ മാനേജ്‌മെന്റും പരിശീലകന്‍ ഉനായ് എമെറിയും ശ്രമിച്ചെങ്കിലും താരം ക്ലബ് വിടാന്‍ തീരുമാനിക്കുകയായിരുന്നു.
നേരത്തേ താരത്തിന്റെ ക്ലബ് വിടണമെന്ന ആവശ്യം ക്ലബ് പരിഗണിക്കാതിരുന്നത് കൊണ്ടണ്ട് താരം ആഴ്‌സനലിന്റെ പ്രീസീസണ്‍ മത്സരങ്ങളുടെ ഭാഗമായി അമേരിക്കയിലേക്ക് പോവാന്‍ വിസമ്മതിച്ചിരുന്നു. തുടര്‍ന്നാണ് താരത്തെ വില്‍ക്കാന്‍ ആഴ്‌സനല്‍ തീരുമാനിച്ചത്.
2010ല്‍ ആഴ്‌സനലിലെത്തിയ കോസല്‍നി കഴിഞ്ഞ ഒന്‍പത് സീസണുകളിലായി ടീമിന്റെ വിശ്വസ്ത താരമാണ്. ഒരു സീസണ്‍ കൂടി കോസല്‍നിക്ക് ക്ലബുമായി കരാറുണ്ടെണ്ടന്നിരിക്കേയാണ് താരം ക്ലബ് വിടുന്നത്.
വൈദ്യപരിശോധനയ്ക്കായി കോസല്‍നി ഇപ്പോള്‍ ഫ്രാന്‍സിലെത്തിയിട്ടുണ്ടണ്ട്. കോസല്‍നിയുടെ പുറത്തു പോവലോടെ ആഴ്‌സനല്‍ പുതിയ പ്രതിരോധ താരത്തെ തേടിയുള്ള തിരച്ചില്‍ ആരംഭിച്ചിട്ടുണ്ടണ്ട്.