പാലക്കാട്:കേരള വ്യാപാരി ഏകോപന സമിതി (ജോബി വിഭാഗം)യുടെ ജില്ലാ തിരഞ്ഞെടുപ്പ് നാളെ നൂറണി ചക്കാന്തറ ഏതന്‍സ് ഗാര്‍ഡനില്‍( ശിവകുമാര്‍ നഗര്‍) രാവിലെ 10ന് നടക്കുമെന്ന് ജോബി. വി. ചുങ്കത്ത് വാര്‍ത്താ സമ്മേളനത്തില്‍ അറിയിച്ചു. 110 യൂണിറ്റുകളിലെ 600ല്‍ പരം കൗണ്‍സിലര്‍മാരും ഈ യോഗത്തില്‍ പങ്കെടുക്കും. ജില്ലാ എക്‌സിക്യൂട്ടിവ് ഭാരവാഹികളെയും തിരഞ്ഞെടുക്കും. 110 യൂണിറ്റുകളില്‍ തിരഞ്ഞെടുപ്പ്്് പൂര്‍ത്തിയാക്കിയതായി അദ്ദേഹം പറഞ്ഞു. അഫിലിയേറ്റഡ് ചെയ്ത യൂണിറ്റിലെ വ്യാപാരികള്‍ക്കും കൗണ്‍സിലര്‍ തിരഞ്ഞെടുപ്പില്‍ മത്സരിക്കാന്‍ അധികാരമുണ്ട്. സംഘടനക്ക് വിരുദ്ധമായ യാതൊരു പ്രവര്‍ത്തനവും ഉണ്ടാകില്ലെന്നും അദ്ദേഹം പറഞ്ഞു. മുമ്പ് 150 യൂണിറ്റുകളും, 800ല്‍ പരം കൗണ്‍സിലര്‍മാരുമാണ് ഉണ്ടായിരുന്നത്. എന്നാല്‍ ഇപ്പോള്‍ 110യൂനിറ്റായി കുറഞ്ഞു. നിലവില്‍ പ്രവര്‍ത്തിക്കുന്ന അഡ്‌ഹോക്ക് കമ്മിറ്റിയ്ക്ക് സംസ്ഥാന കമ്മിറ്റിറ്റിയുടെ അംഗീകാരം ലഭ്യമായിട്ടില്ലെന്നും, സംസ്ഥാന കമ്മിറ്റി ചേരാതെയാണ് കമ്മിറ്റിയെ നിയോഗിച്ചിട്ടുള്ളതെന്നും അദ്ദേഹം പറഞ്ഞു.വാര്‍ത്താ സമ്മേളനത്തില്‍ പി.എം എം .ഹബീബ്, പി.എസ്. സിംപ്‌സണ്‍, ഉണ്ണികൃഷ്ണന്‍ എന്നിവരും പങ്കെടുത്തു.