മണ്ണാര്‍ക്കാട്: മണ്ണാര്‍ക്കാട് മേഖലാ ഖുതബാഅ് കമ്മിറ്റിയുടെ ആഭിമുഖ്യത്തില്‍ മണ്ണാര്‍ക്കാട് മേഖലാ പരിധിയിലെ കരിമ്പ, കാഞ്ഞിരപ്പുഴ, പുല്ലശ്ശേരി, പൊമ്പ്ര, മണ്ണാര്‍ക്കാട്, തെങ്കര, കോട്ടോപ്പാടം, അലനല്ലൂര്‍, തച്ചനാട്ടുകര, റെയ്ഞ്ചില്‍ ഉള്‍പ്പെട്ട ഖതീബുമാരെ പങ്കെടുപ്പിച്ചുകൊണ്ട് ഇന്ന് രാവിലെ ഒന്‍പത് മുതല്‍ മണ്ണാര്‍ക്കാട് ഇസ്‌ലാമിക് സെന്ററില്‍ ഖതീബ് സംഗമം നടക്കും.
പ്രഗല്‍ഭ പണ്ഡിതന്‍ മുഹമ്മദ് ബാഖവി മേല്‍മുറി ഉളുഹിയ്യത്ത് എന്ന വിഷയത്തില്‍ ക്ലാസ്സ് അവതരിപ്പിക്കും.
ജംഇയ്യത്തുല്‍ ഖുതബാഅ് മേഖലാ ചെയര്‍മാന്‍ പി.കെ. ഇമ്പിച്ചിക്കോയതങ്ങള്‍ അധ്യക്ഷനാകും.
സി. മുഹമ്മദലി ഫൈസി, ഹബീബ് ഫൈസി, സി. മുഹമ്മദ് കുട്ടി ഫൈസി, അന്‍വര്‍ ഫൈസി, ശമീര്‍ ഫൈസി, സംസം ബഷീര്‍, അശ്‌റഫ് ഫൈസി സംബന്ധിക്കും.
മേഖലാ പരിധിയിലെ മുഴുവന്‍ ഖതീബുമാരും നിര്‍ബന്ധമായും പങ്കെടുക്കണമെന്ന് കണ്‍വീനര്‍ പി.എ. റഹീം ഫൈസി അറിയിച്ചു.