ന്യൂഡല്‍ഹി: സൈനിക സേവനം നടത്തുന്ന ഇന്ത്യന്‍ ക്രിക്കറ്റ് താരം മഹേന്ദ്ര സിങ് ധോണി ലഡാക്കിലെ ലേയില്‍ പതാക ഉയര്‍ത്തും. ദൈനിക് ജാഗരണാണ് ഇക്കാര്യം റിപ്പോര്‍ട്ട് ചെയ്തത്. പുതുതായി രൂപംനല്‍കിയ കേന്ദ്ര ഭരണപ്രദേശമായ ലഡാക്കിലെ ലേയില്‍ ആണ് പരിപാടി സംഘടിപ്പിച്ചിട്ടുള്ളത്. ടെറിട്ടോറിയല്‍ ആര്‍മിയില്‍ ലെഫ്റ്റനന്റ് കേണലായ ധോണി അദ്ദേഹത്തിന്റെ ആവശ്യപ്രകാരമാണ് ഇപ്പോള്‍ കശ്മിരില്‍ സൈനിക സേവനത്തിനെത്തിയിട്ടുള്ളത്. ധോണി ഇന്ത്യന്‍ ആര്‍മിയുടെ ബ്രാന്‍ഡ് അംബാസഡറാണെന്ന് മുതിര്‍ന്ന സൈനിക വക്താവ് പറഞ്ഞു. സൈനികര്‍ക്ക് പ്രചോദനമേകാനും അവര്‍ക്കൊപ്പം വിവിധ മത്സരങ്ങള്‍ നടത്താനും താരം സമയം കണ്ടെണ്ടത്തുന്നു@ണ്ട്. സൈനിക ട്രൂപ്പില്‍ യുദ്ധമുഖത്തെ പരിശീലനമുറകളും ധോണി അഭ്യസിക്കുന്നു@െണ്ടന്നും ഓഗസ്റ്റ് പതിനഞ്ചുവരെ കശ്മിരില്‍ തുടരുമെന്നും വക്താവ് പറഞ്ഞു. കശ്മിരിലും ലഡാക്കിലും ഓരോ ഗ്രാമത്തിലും ഇത്തവണ ദേശീയ പതാക ഉയര്‍ത്താനാണ് കേന്ദ്ര സര്‍ക്കാര്‍ തീരുമാനം.