കടുത്തുരുത്തി: കടുത്തുരുത്തിയില്‍ രണ്ട് കടകള്‍ കുത്തിതുറന്ന് മോഷണം നടത്തിയ പ്രതി പിടിയിലായി. പളനി സ്വദേശി വേലു (21) ആണ് അറസ്റ്റിലായത്.
പിറവം മാര്‍ക്കറ്റില്‍ രാത്രിയില്‍ കഴിഞ്ഞുകൂടുന്ന വേലുവിനെ പെരുവ മാര്‍ക്കറ്റില്‍ നിന്നാണ് കഴിഞ്ഞദിവസം പൊലിസ് കസ്റ്റഡിയിലെടുത്തത്.
മോഷണമുതലും കണ്ടെത്തി.  വൈക്കം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. കടുത്തുരുത്തി മാര്‍ക്കറ്റ് ജംഗ്ഷനില്‍ പിറവം റോഡില്‍ പ്രവര്‍ത്തിക്കുന്ന പല്ലവി ടെയ്‌ലേഴ്‌സ്, പാത്രങ്ങളും നിലവിളക്കുകളും വില്‍ക്കുന്ന ജോബി ബസല്‍സ് എന്നിവടങ്ങളിലാണ് വേലു മോഷണം നടത്തിയത്.
കഴിഞ്ഞ 19ന് രാത്രിയിലാണ് മോഷണം നടന്നത്. രണ്ട് വിളക്കുകളുടെ മുകളില്‍ വയ്ക്കുന്ന പിച്ചള കൊണ്ടുള്ള മയിലുകളെ നഷ്ടപെട്ടിരുന്നു