തിരുവനന്തപുരം: എല്ലാവര്‍ക്കും സുരക്ഷിത തൊഴിലിടം ഒരുക്കുക എന്ന ലക്ഷ്യത്തോടെ സിനിമകളില്‍ ആഭ്യന്തര പരാതി പരിഹാര സമിതിയുമായി സംവിധായകന്‍ ആഷിക് അബു. ഭാവിയില്‍ തങ്ങളുടെ സിനിമാ നിര്‍മാണ കമ്പനിയുടെ എല്ലാ ചിത്രങ്ങളിലും ഇന്റേണല്‍ കംപ്ലെയ്ന്റ് കമ്മിറ്റി (ഐ.സി.സി) പ്രവര്‍ത്തിക്കുന്നതായിരിക്കുമെന്ന് ആഷിഖ് അബു ഫേസ്ബുക്കില്‍ കുറിച്ചു. എല്ലാ വിധത്തിലുള്ള തൊഴില്‍ ചൂഷണങ്ങളും സ്ത്രീകള്‍ക്ക് നേരെയുള്ള അക്രമങ്ങളും ചൂഷണങ്ങളും ഈ കമ്മിറ്റിക്ക് മുന്‍പാകെ റിപ്പോര്‍ട്ട് ചെയ്യാമെന്നും അദ്ദേഹം വ്യക്തമാക്കി. ഒ.പി.എം ഡ്രീം മില്‍ സിനിമാസ് എന്നാണ് ആഷിഖ് അബുവിന്റെ നിര്‍മാണ കമ്പനിയുടെ പേര്.