ഗസ: അടങ്ങിയിരുന്നില്ലെങ്കില്‍ ഹമാസിനെതിരെ ശക്തമായ നടപടികളെടുക്കുമെന്ന് ഭീഷണി മുഴക്കി ഇസ്‌റാഈല്‍ പ്രധാനമന്തി ബെന്യമിന്‍ നെതന്യാഹു. ഉപരോധ ഭൂമിയിലെ പ്രതിഷേധ സമരങ്ങള്‍ ചൂണ്ടിക്കാട്ടിയാണ് നെതന്യാഹുവിന്റെ ഭീഷണി.

'ഹമാസിനെതിരെ ശക്തമായ നടപടിയെടുക്കാനുള്ള ഒരുക്കത്തിലാണ് ഞങ്ങള്‍. അവര്‍ ബുദ്ധിയുള്ളവരാണെങ്കില്‍ അക്രമങ്ങളില്‍ നിന്നും പ്രതിഷേധങ്ങളില്‍ നിന്നും പിന്‍മാറണം'- നെതന്യാഹു പറഞ്ഞു.

വെള്ളിയാഴ്ച നടന്ന പ്രതിഷേധത്തിന് നേരെ ഇസ്‌റാഈല്‍ നടത്തിയ ആക്രമണത്തില്‍ ഏഴ് സമരക്കാര്‍ കൊല്ലപ്പെട്ടിരുന്നു.

ഗസ മുനമ്പിലേക്കുള്ള ഇന്ധന വിതരണം നിര്‍ത്തി വെക്കുമെന്ന് കഴിഞ്ഞ ദിവസം ഇസ്‌റാഈല്‍ പ്രഖ്യാപിച്ചിരുന്നു.