മേപ്പയ്യൂര്‍: ഒറ്റ നമ്പര്‍ ലോട്ടറി നടത്തിപ്പുകാരനെ മേപ്പയ്യൂര്‍ പൊലിസ് അറസ്റ്റ് ചെയ്തു. രഹസ്യ വിവരം ലഭിച്ചതിനെത്തുടര്‍ന്ന് പൊലിസ് നടത്തിയ മിന്നല്‍ പരിശോധനയിലൂടെയാണ് നരക്കോട് ചെറിയേരിക്കല്‍ ബാബുരാജി(50)നെ അറസ്റ്റ് ചെയ്തത്. മേപ്പയ്യൂര്‍ അഡീഷണല്‍ എസ്.ഐ ബാബുരാജിന്റെ നേതൃത്വത്തിലുള്ള പൊലിസ് സംഘമാണ് അറസ്റ്റ് ചെയ്തത്. സി.പി.ഒ മൂസ, ജോതിഷ് എന്നിവര്‍ സംഘത്തിലുണ്ടായിരുന്നു. ഒരു ഫോണും 6,410 രൂപയും പിടിച്ചെടുത്തിട്ടുണ്ട്. പയ്യോളി കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്ത് കൊയിലാണ്ടി സബ് ജയിലിലേക്കയച്ചു.