തൃക്കരിപ്പൂര്‍: തങ്കയം എ.എല്‍.പി സ്‌കൂളിലെ കുട്ടികള്‍ ഇനി പാകറ്റ് ഭക്ഷണം തൊടില്ല. ലോക പരിസ്ഥിതി ദിനത്തിലാണ് കൂട്ടികള്‍ പ്രതിജ്ഞയെടുത്തത്.
കടകളില്‍ കാണുന്ന ഭംഗിയുള്ള വിവിധ നിറങ്ങള്‍ ചേര്‍ത്തും വറുത്തതുമായ പാക്കറ്റ് ഭക്ഷണം കഴിച്ചാലുള്ള ആരോഗ്യ പ്രശ്‌നങ്ങളെ കുറിച്ച് പരിസ്ഥിതി ദിനത്തില്‍ സ്‌കൂളില്‍ സംഘടിപിച്ച ചടങ്ങില്‍ വിശിഷ്ടാഥിതി വന മിത്ര അവാര്‍ഡ് ജേതാവും പാരമ്പര്യ വൈദ്യനുമായ കെ.വി കൃഷ്ണപ്രസാദ് കുട്ടികള്‍ക്ക് ക്ലാസെടുക്കുന്നതിനിടെയാണ് കുട്ടികള്‍ ഒന്നടങ്കം ഇനി പാകറ്റ് ഭക്ഷണം കഴിക്കില്ലെന്ന് പ്രതിജ്ഞയെടുത്തത്. സ്‌കൂള്‍ കോമ്പൗണ്ടില്‍ മരങ്ങള്‍ നട്ട് ഉദ്ഘാടനം ചെയ്തു.
ശരീഫ് കൂലേരി അധ്യക്ഷനായി. സ്‌കൂള്‍ പ്രധാന അധ്യാപകന്‍ മഡിയന്‍ രവി സ്വാഗതവും സീനിയര്‍ അസി. മീന നന്ദിയും പറഞ്ഞു.