ന്യൂഡല്‍ഹി: ദുര്‍ഗ പൂജ പന്തലിലെ പാട്ടു മാറ്റാന്‍ ആവശ്യപ്പെട്ടയാളെ കുത്തിക്കൊന്നു. ഡല്‍ഹിയിലെ ഖ്യാലയിലാണ് സംഭവം. റിയാസ് എന്ന 44 കാരനാണ് കൊല്ലപ്പെട്ടത്.

പന്തലില്‍ മുന്‍പേ പാടിത്തീര്‍ന്ന പാട്ടുതന്നെ വീണ്ടും വന്നതോടെയാണ് മാറ്റണമെന്ന ആവശ്യവുമായി റിയാസ് സമീപിച്ചത്.

എന്നാല്‍ ഇയാളുമായി അവിടെയുണ്ടായിരുന്നവര്‍ തര്‍ക്കത്തിലേര്‍പ്പെട്ടു. തര്‍ക്കം രൂക്ഷമായപ്പോള്‍ റിയാസിനെ കത്തിയെടുത്ത് കുത്തുകയായിരുന്നു.

സംഭവത്തില്‍ വിനയ്, മനോജ്, മഹേഷ് എന്നിവരെ അറസ്റ്റ് ചെയ്തിട്ടുണ്ട്.