മനാമ: ബഹ്‌റൈന്‍ കെഎംസിസി കോഴിക്കോട് ജില്ലാ കമ്മിറ്റി സംഘടിപ്പിച്ച സി. എച്ച് അനുസ്മരണ സമ്മേളത്തിന്റെ ഭാഗമായി നടത്തിയ പ്രബന്ധമത്സരത്തില്‍ വിജയികളായവരെ പ്രഖ്യാപിച്ചു.വിദ്യാര്‍ത്ഥികള്‍ക്കും മുതിര്‍ന്നവര്‍ക്കും വെവ്വെറെയായിരുന്നു മത്സരം.

വിദ്യാര്‍ത്ഥി വിഭാഗത്തില്‍ നാജിയ നസ് റീന്‍ ഒന്നാം സ്ഥാനവും മുഹമ്മദ് ജസീര്‍ രണ്ടാം സ്ഥാനവും ഫാത്വിമ നാഹില മൂന്നാം സ്ഥാനവും നേടി.

മുതിര്‍ന്നവരുടെ വിഭാഗത്തില്‍ തേവലക്കര ബാദുഷ, സുനീറ പി, പ്രീതി ബിനു എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ കരസ്ഥമാക്കി.
മുതിര്‍ന്നവരുടെ വിഭാഗത്തിന് 'സി.എച്ച് എന്ന സാമൂഹ്യ പരിഷ്‌കര്‍ത്താവ് ', വിദ്യാര്‍ത്ഥി വിഭാഗത്തിലുള്ളവര്‍ക്ക് 'വിദ്യാഭ്യാസ മേഖലയില്‍ സി.എച്ചി ന്റെ പങ്ക് 'എന്നിങ്ങിനെയായിരുന്നു മത്സര വിഷയങ്ങള്‍.

കെ.എം.സി.സി ജില്ലാകമ്മറ്റി ഭാരവാഹികളായ സെക്രട്ടറി പി.വി മന്‍സൂര്‍, ജില്ലാ വൈസ് പ്രസിഡണ്ട് അസ്‌ലം വടകര എന്നിവരുടെ നേതൃത്വത്തില്‍ നടന്ന വാശിയേറിയ മത്സരത്തില്‍ നിരവധി എന്‍ട്രികളാണ് ലഭിച്ചത്. വിജയികളെ ജില്ലാ കമ്മറ്റി അനുമോദിച്ചു.