കോഴിക്കോട്: ശബരിമല തീര്‍ഥാനടത്തിനായി മാലയിട്ട് ഒരുങ്ങിയ യുവതിയെ ജോലിയില്‍ നിന്നു പിരിച്ചുവിട്ടു. കോഴിക്കോട്ടെ സ്വകാര്യധനകാര്യ സ്ഥാപനത്തിലായിരുന്നു ജോലി. സൂര്യ ദേവാര്‍ച്ചന എന്ന യുവതിക്കാണ് ജോലി നഷ്ടമായത്.

'താല്‍ക്കാലികമായി ജോലി നഷ്ടപ്പെട്ടതുകൊണ്ടു മാറിനില്‍ക്കുന്നു
ഫോണ്‍ ഉപയോഗിക്കാന്‍ സാധിക്കാത്ത അവസ്ഥയാണ്.
ഉടനെ തിരിച്ചു വരും..'' സൂര്യ ദേവാര്‍ച്ചന ഫെയ്‌സ്ബുക്കില്‍ പോസ്റ്റ്‌ചെയ്തു.

കോഴിക്കോട് ശ്രീകണ്‌ഠേശ്വരം ക്ഷേത്രത്തില്‍ പോയി പ്രാര്‍ഥനയോടെ പൂജിച്ചാണ് മാലയിട്ടതെന്നും മുന്‍ പോസ്റ്റില്‍ ഇവര്‍ പറഞ്ഞിരുന്നു. പോസ്റ്റിനു താഴെ നിരവധി പേര്‍ എതിര്‍പ്പുകളും പിന്തുണയും അറിയിച്ചിരുന്നു.

ക്ഷേത്രത്തില്‍ പ്രാര്‍ഥിക്കുന്നതിന്റെ ചിത്രവും പോസ്റ്റ് ചെയ്തിരുന്നു. സര്‍ക്കാരിന്റെ പിന്തുണ പ്രതീക്ഷിക്കുന്നുണ്ടെന്നും പൊലിസിന്റെ സുരക്ഷ ലഭിക്കുമെന്നും പ്രതീക്ഷിക്കുന്നതായും ഇവര്‍ പറഞ്ഞിരുന്നു.