മഞ്ചേരി: പന്തല്ലൂര്‍ ഹയര്‍സെക്കന്‍ഡറി സ്‌കൂളിലേക്കുള്ള വഴി ചളിനിറഞ്ഞതിനെ  തുടര്‍ന്ന് വിദ്യാര്‍ഥികളുടെ യാത്ര ദുരിതപൂര്‍ണമായി. കടമ്പോട് നിന്നും പന്തല്ലൂര്‍ മലയിലേക്കുള്ള വഴി യാത്രായോഗ്യമാക്കുന്നതിനുള്ള നടപടികള്‍ അധികൃതരുടെ ഭാഗത്തുനിന്നും ഉണ്ടായിട്ടില്ല. മഴപെയ്തതോടെയാണ് വഴി ഏറെ ചളിനിറഞ്ഞു യാത്രചെയ്യാന്‍ പറ്റാത്തവിധമായിരിക്കുകയാണ്.
പന്തല്ലൂര്‍ മലയുടെ ഭാഗത്തുള്ളവര്‍ക്കും സ്‌കൂളിലെ 3000ത്തോളം വിദ്യാര്‍ഥികള്‍ക്കും  ദിനേന യാത്രചെയ്യാനുള്ള ഏക വഴിയാണിത്. റോഡ് സഞ്ചാരയോഗ്യമാക്കുന്നതിനു നടപടിയില്ലെങ്കില്‍ സമരപരിപാടികളുമായി മുന്നോട്ടുപോവുമെന്ന്  ജനകീയ സമിതി മുന്നറിയിപ്പ് നല്‍കി.