വര്‍ക്കല: പാപനാശം ബീച്ചിലെ റിസോര്‍ട്ടില്‍ യുവതിയെ കൂട്ടബലാത്സംഗത്തിനിരയാക്കിയ സംഭവത്തിലെ ഒന്നാം പ്രതിയെ വര്‍ക്കല പൊലിസ് അറസ്റ്റു ചെയ്തു. കല്ലമ്പലം  സ്വദേശി റെജി (30) ആണ് പിടിയിലായത്. റൂറല്‍ ജില്ലാ പൊലിസ് മേധാവി അശോക് കുമാറിന്  ലഭിച്ച രഹസ്യ വിവരത്തിന്റെ അടിസ്ഥാനത്തില്‍  ആറ്റിങ്ങല്‍ എ.എസ്.പി ആദിത്യയുടെ നിര്‍ദേശ പ്രകാരം വര്‍ക്കല എസ്.ഐ രമേശ് കുമാര്‍, എസ്.ഐ കെ.ആര്‍ ബിജു സി.പി.ഒമാരായ  ജയപ്രസാദ്, പ്രസേന്, ഹരീഷ് ,സിബി എന്നിവരടങ്ങിയ സംഘമാണ് പ്രതിയെ പിടികൂടിയത്.
ഇയാള്‍ക്കെതിരേ വര്‍ക്കല, കല്ലമ്പലം സ്റ്റേഷനുകളില്‍ നിരവധി ക്രിമിനല്‍ കേസുകള്‍ ഉണ്ടെന്ന് പൊലിസ് പറഞ്ഞു. കേസിലെ നാലാം പ്രതി ബിനോയ് രണ്ടാം പ്രതി ഷിജു എന്നിവരെ നേരത്തെ അറസ്റ്റ് ചെയ്തിരുന്നു. വര്‍ക്കല മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.