കണ്ണൂര്‍: കേരളാ സ്റ്റേറ്റ് സീനിയര്‍ ജൂനിയര്‍ ആന്‍ഡ് മിക്‌സഡ് സംസ്ഥാന വടംവലി ചാംപ്യന്‍ഷിപ്പ് നാളെയും മറ്റന്നാളും പാനൂര്‍ മൊകേരി രാജീവ്ഗാന്ധി ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ നടക്കും. നാളെ വൈകിട്ട് മൂന്നിന് മന്ത്രി കെ.കെ ശൈലജ ഉദ്ഘാടനം ചെയ്യും. ടി.വി രാജേഷ് എം.എല്‍.എ അധ്യക്ഷനാകും. 25നു വൈകിട്ട് 3.30ന് സമാപനം മുന്‍ മന്ത്രി കെ.പി മോഹനന്‍ ഉദ്ഘാടനം ചെയ്യും. 700 ലധികം കായികതാരങ്ങള്‍ മത്സരിക്കും. ജില്ലാ സ്‌പോര്‍ട്‌സ് കൗണ്‍സിലിന്റെയും ടഗ് ഓഫ് വാര്‍ അസോസിയേഷന്റെയും നേതൃത്വത്തിലാണ് മത്സരം. ദേശീയ ചാംപ്യന്‍ഷിപ്പ് അടുത്ത ആഴ്ച നടക്കുമെന്നു ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.കെ പവിത്രന്‍, പ്രദീപന്‍ മൊകേരി, ഡോ. പി.പി ബിനീഷ്, പ്രവീണ്‍ മാത്യു, അജിത്ത് പാനൂര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.