ദിസ്പുര്‍: പുതിയ സീസണ് ഒരുങ്ങുന്നതിന്റെ ഭാഗമായി പുതിയ വിദേശ താരത്തെ ടീമിലെത്തിച്ച് നോര്‍ത്ത് ഈസ്റ്റ് യുനൈറ്റഡ്.
അര്‍ജന്റീനയില്‍ നിന്നുള്ള മാക്‌സ്മിലിയാനോ ബറേറോയെ ആണ് അധികൃതര്‍ ടീമിലെത്തിച്ചിട്ടുള്ളത്. ഒരു വര്‍ഷത്തെ കരാറിലാണ് താരം ഐ.എസ്.എല്ലിലെത്തുന്നത്. കേരളാ ബ്ലാസ്റ്റേഴ്‌സിലേക്ക് വന്ന ഓഗ്ബച്ചെയുടെ സ്ഥാനത്തേക്കാണ് പുതിയ താരത്തെ എത്തിച്ചിട്ടുള്ളത്. 34കാരനായ താരം ഇക്വഡോര്‍ ക്ലബായ ഔകാസില്‍ നിന്നാണ് നോര്‍ത്ത് ഈസ്റ്റ് യുനൈറ്റഡിലെത്തുന്നത്.
ഇക്വഡോറിലെ ഡെല്‍ഫിന്‍, മുസുക് റൂണ എന്നീ ക്ലബുകള്‍ക്കായും താരം കളിച്ചിട്ടുണ്ട്. അര്‍ജന്റീന ക്ലബുകളായ സാന്‍ മാര്‍ട്ടിന്‍, ഡിപോര്‍ട്ടീവോ മെര്‍ലോ എന്നീ ക്ലബുകള്‍ക്ക് വേണ്ടിയും താരം ബൂട്ട് കെട്ടിയിട്ടുണ്ട്.