ഹെഡിങ്‌ലി: മൂന്നാം ആഷസ് ടെസ്റ്റിന് ലീഡ്‌സില്‍ തുടക്കമായി. ടോസ് നേടിയ ഇംഗ്ല@ണ്ട് നായകന്‍ ജോ റൂട്ട് ആസ്‌ത്രേലിയയെ ബാറ്റിങ്ങിന് അയക്കുകയായിരുന്നു.
ടോസിന് പിന്നാലെ മഴയെത്തിയതോടെ 45 മിനുട്ട് വൈകിയാണ് ആസ്‌ത്രേലിയയുടെ ബാറ്റിങ് തുടങ്ങിയത്. കളി തുടങ്ങി നാലാം ഓവറില്‍ തന്നെ ഓസീസിന് ആദ്യ വിക്കറ്റ് നഷ്ടപ്പെട്ടു. വാര്‍ണറിനൊപ്പം ഓപ്പണ്‍ ചെയ്ത മാര്‍ക്കസ് ഹാരിസിനെ ജോഫ്ര ആര്‍ച്ചര്‍ പുറത്താക്കി. 12 പന്തില്‍ എട്ടു റണ്‍സുമായാണ് താരത്തിന്റെ മടക്കം. കഴിഞ്ഞ മത്സരം കളിച്ച കാമറോണ്‍ ബാന്‍ക്രോഫ്റ്റിന് പകരമാണ് മാര്‍ക്കസ് ഹാരിസ് അന്തിമ ഇലവനില്‍ കടന്നത്. പീറ്റര്‍ സിഡിലിന് പകരം ജെയിംസ് പാറ്റിന്‍സണും ഓസീസ് നിരയിലെത്തിയിട്ടു@ണ്ട്. അധികം വൈകാതെ ഓസീസിന്റെ രണ്ടാം വിക്കറ്റും നഷ്ടമായി. സ്റ്റുവര്‍ട്ട് ബ്രോഡിന്റെ പന്തില്‍ ജോണി ബയറിസ്റ്റോ ക്യാച്ച് ചെയ്ത് ഉസ്മാന്‍ ഖവാജയും പുറത്തായി. 17 പന്തില്‍ എട്ട് റണ്‍സുമായിട്ടായിരുന്നു ഖവാജയുടെ മടക്കം. മഴ പെയ്തതിനെ തുടര്‍ന്ന് രണ്ട് തവണ മത്സരം നിര്‍ത്തിവച്ചു. രണ്ടാം ടെസ്റ്റിലെ ടീമില്‍ മാറ്റമില്ലാതെയാണ് ഇംഗ്ലണ്ട് ഇറങ്ങിയിട്ടുള്ളത്. ഓസീസിനെ എറിഞ്ഞിടാന്‍ രണ്ടാം ടെസ്റ്റില്‍ മികച്ച പ്രകടനം നടത്തിയ ജൊഫ്ര ആര്‍ച്ചര്‍ക്ക് കഴിയുമെന്ന പ്രതീക്ഷയിലാണ് ഇംഗ്ലീഷ് സംഘം.