തിരുവനന്തപുരം: കരകൗശല വികസന കോര്‍പറേഷനില്‍ എം.ഡി സ്ഥാനത്തേക്ക് എന്‍.കെ മനോജിനെ പരിഗണിച്ചത് താന്‍ തന്നെയാണെന്ന് സമ്മതിച്ച് മന്ത്രി ഇ.പി ജയരാജന്‍. താന്‍ മന്ത്രി സ്ഥാനത്തെത്തുന്നതിന് മന്‍പാണ് മനോജിനെ നിയമിച്ചതെന്നായിരുന്നു ഈ വിഷയത്തില്‍ മന്ത്രി നേരത്തെ പ്രതികരിച്ചത്. എന്നാല്‍ കൂടുതല്‍ തെളിവുകള്‍ പുറത്തുവന്നതോടെ മന്ത്രി മലക്കംമറിയുകയായിരുന്നു.

മുന്‍പ് മറ്റ് സ്ഥാപനങ്ങളിലും അദ്ദേഹം എം.ഡി ആയിരുന്നുവെന്നും റിയാബ് വഴിയല്ല അദ്ദേഹത്തെ കരകൗശല വികസന കോര്‍പറേഷന്റെ തലപ്പത്ത് കൊണ്ടുവന്നതെന്നും മന്ത്രി കൂട്ടിച്ചേര്‍ത്തു. നിലവില്‍ അഴിമതിക്കേസില്‍ ആരോപണ വിധേയനാണ് എന്‍.കെ മനോജ്.