മട്ടാഞ്ചേരി: ഒരു കോടി വൃക്ഷ തൈകള്‍ നട്ട് സംസ്ഥാന സര്‍ക്കാര്‍ പരിസ്ഥിതി ദിനാചരണം നടത്തിയതിനു തൊട്ടുപിന്നാലെ വന്‍ തണല്‍ വൃക്ഷങ്ങള്‍ക്ക് കോടാലി വീണു. നേവല്‍ ബേസിനു സമീപത്തെ റോഡരികിലെ തണല്‍വൃക്ഷങ്ങളാണ് വെട്ടിമാറ്റി കൊണ്ടിരിക്കുന്നത്. റെയില്‍വെയുടെ പാത നവീകരണത്തിന്റെ ഭാഗമായാണ് വൃക്ഷങ്ങള്‍ മാറ്റുന്നതെന്നാണ് ജോലിക്കാര്‍ പറയുന്നത്. അപകടരഹിതമായ തണല്‍ എന്ന് കണക്കാക്കിയിട്ടുള്ള വൃക്ഷങ്ങളാണ് വെട്ടിമാറ്റുന്നത്.
പള്ളുരുത്തി മേഖലയില്‍ കഴിഞ്ഞ ദിവസം പൊതുമരാമത്ത് അധികൃതര്‍ കഴിഞ്ഞ ദിവസം സംസ്ഥാന പാതയോരത്തെ അപകടകരമായ രീതിയില്‍ നിലകൊള്ളുന്ന മരച്ചില്ലകള്‍ വെട്ടി നീക്കിയിരുന്നു. അതെ സമയം ഇവിടെ വൃക്ഷങ്ങള്‍ തന്നെ വെട്ടിമാറ്റുകയാണ്. പരിസ്ഥിതി സ്‌നേഹികള്‍ ഇടക്ക് പ്രതിഷേധവുമായി എത്തിയപ്പോള്‍ മരംവെട്ടല്‍ നിറുത്തിവെച്ചെങ്കിലും വീണ്ടും വെട്ടുകയായിരുന്നു.