ചാവക്കാട്: കടപ്പുറം പുതിയങ്ങാടി ഗവ.ഫിഷറീസ് യു.പി. സ്‌കൂളില്‍ ജൈവ വൈവിധ്യ ഉദ്യാനം കവയത്രിയും പരിസ്ഥിതി പ്രവര്‍ത്തകയുമായ നഫീസത്ത് ബീവി ഉദ്ഘാടനം ചെയ്തു.
ഉദ്യാനത്തിനകത്തെ നക്ഷത്ര വനത്തില്‍ കൂവളം നട്ട് കടപ്പുറം പഞ്ചായത്ത് പ്രസിഡന്റ് പി. എം. മുജീബ് ഉദ്ഘാടനം നിര്‍വഹിച്ചു.പി.ടി.എ. പ്രസിഡന്റ് ബി.ടി. പൂക്കോയ തങ്ങള്‍ അധ്യക്ഷനായി.
കടപ്പുറം പഞ്ചായത്ത് സ്റ്റാന്‍ഡിങ്ങ് കമ്മിറ്റി ചെയര്‍മാന്‍ വി. എം. മനാഫ,് വാര്‍ഡ് മെമ്പര്‍ ശ്രീജ രതീഷ്, ബി.കെ. സുബൈര്‍ തങ്ങള്‍, പരിസ്ഥിതി പ്രവര്‍ത്തകന്‍ ജോസഫ് മാസ്റ്റര്‍, ബി.ആര്‍.സി. ട്രെയ്‌നര്‍ ബൈറ്റി, പ്രധാന അധ്യാപിക ശാലിനി, വിനോയി മാസ്റ്റര്‍ എന്നിവര്‍ പ്രസംഗിച്ചു.അധ്യാപകര്‍, വിദ്യാര്‍ത്ഥികള്‍, രക്ഷിതാക്കള്‍, നാട്ടുകാര്‍ എന്നിവരും ചടങ്ങില്‍ സന്നിതരായി.