തിരുവനന്തപുരം: ഓഖി ദുരിതാശ്വാസ പാക്കേജ് പൂര്‍ണമായും നടപ്പിലാക്കണമെന്നാവശ്യപ്പെട്ട് അഖിലേന്ത്യാ മത്സ്യത്തൊഴിലാളി കോണ്‍ഗ്രസ് സംസ്ഥാന കമ്മിറ്റിയുടെ ആഭിമുഖ്യത്തില്‍ സെക്രട്ടേറിയറ്റ് ധര്‍ണ നടത്തി. സംസ്ഥാന പ്രസിഡന്റ് ആര്‍. ആന്‍സ്റ്റിന്‍ ഗോമസ് ഉദ്ഘാടനം ചെയ്തു.
എം. വിന്‍സന്റ് എം.എല്‍.എ മുഖ്യപ്രഭാഷണം നടത്തി. ഓഖി ദുരന്തവാര്‍ഷികമടുത്തിട്ടും ദുരിതാശ്വാസ പാക്കേജ് പൂര്‍ണമായി നടപ്പിലാക്കാതെ സര്‍ക്കാര്‍ വഞ്ചന കാട്ടിയെന്ന് അദ്ദേഹം പറഞ്ഞു. സംഘടനാ ഭാരവാഹികളായ അഡ്വ. അഡോള്‍ഫ് ജി. മൊറൈസ്, ആര്‍. ഗംഗാധരന്‍, ജി. ലീലാകൃഷ്ണന്‍ പങ്കെടുത്തു.മത്സ്യബന്ധന ഉപകരണങ്ങളുമായി പ്രകടനം നടത്തിയ ശേഷമായിരുന്നു ധര്‍ണ.