കോട്ടയം: ശബരിമല സ്ത്രീ പ്രവേശന വിഷയത്തില്‍ സുപ്രിംകോടതി വിധി മറികടക്കാന്‍ കേന്ദ്രസര്‍ക്കാരിന് നിയമനിര്‍മാണം നടത്താനാവുമെന്ന് തിരുവഞ്ചൂര്‍ രാധാകൃഷ്ണന്‍ എം.എല്‍.എ. രാഷ്ട്രപതിയുടെ പ്രത്യേക അധികാരമുപയോഗിച്ചു പ്രശ്‌നം പരിഹരിക്കാനാവുമെന്നും തിരുവഞ്ചൂര്‍ വാര്‍ത്താസമ്മേളനത്തില്‍ പറഞ്ഞു. തീര്‍ഥാടനം സംസ്ഥാന സര്‍ക്കാരുകളുടെ അധികാരപരിധിയില്‍ വരുന്നതിനാല്‍ ശബരിമല വിഷയത്തില്‍ സംസ്ഥാന സര്‍ക്കാരിനും നിയമനിര്‍മാണം നടത്താം.
വിഷയത്തില്‍ വര്‍ഗീയത പടര്‍ത്തുന്ന ഫേസ്ബുക്ക് പോസ്റ്റ് നടത്തി വിദ്വേഷം പടര്‍ത്താന്‍ മുഖ്യമന്ത്രി ശ്രമിച്ചതായും തിരുവഞ്ചൂര്‍ ആരോപിച്ചു.