കറാച്ചി: പരുക്കേറ്റ് പുറത്തായ പേസര്‍ വഹാബ് റിയാസിന് പകരം ഇടംകൈയന്‍ സീമര്‍ റമ്മന്‍ റയീസ് പാകിസ്താന്‍ ടീമില്‍ ഇടം നേടി. ഇന്ത്യക്കെതിരായ മത്സരത്തിനിടെയാണ് വഹാബിന്റെ മുട്ടിന് പരുക്കേറ്റത്. ഓവര്‍ മുഴുമിപ്പിക്കാതെ താരം മൈതാനം വിടുകയും ബാറ്റിങിന് ഇറങ്ങാതിരിക്കുകയും ചെയ്തിരുന്നു. പാക് ജേഴ്‌സിയില്‍ ഇതുവരെ ഏകദിനം കളിക്കാത്ത താരമാണ് റയീസ്. ഫസ്റ്റ് ക്ലാസ് ക്രിക്കറ്റിലെ മികച്ച റെക്കോര്‍ഡാണ് താരത്തിന് തുണയായത്.