കുമ്പള: ഹര്‍ത്താലിന്റെ മറവില്‍ കുമ്പളയില്‍ അക്രമം നടത്തിയ കേസില്‍ നാലുപേരെ കൂടി പൊലിസ് അറസ്റ്റു ചെയ്തു. കുമ്പള കോയിപ്പാടി കടപ്പുറത്തെ അഖില്‍ എന്ന അഖിലേഷ്(21), ബംബ്രാണ സന്തോഷ് നഗറിലെ അജേഷ്(24), ബീരന്തിക്കയയിലെ സഞ്ജയ്(20), ബംബ്രാണ സന്തോഷ് നഗറിലെ രാജേഷ്(21) എന്നിവരെയാണ് പൊലിസ് അറസ്റ്റു ചെയ്തത്.
ഹര്‍ത്താല്‍ ദിനത്തില്‍ പ്രകടനം നടത്തുന്നതിനിടെ തൊട്ടടുത്ത പള്ളിയിലെ ഉറൂസ് കമ്മിറ്റി ഓഫിസില്‍ കയറി അക്രമം നടത്തിയ കേസിലാണ് ഇവരെ പൊലിസ് അറസ്റ്റു ചെയ്തത്. ഒരാളെ കഴിഞ്ഞ ദിവസം അറസ്റ്റു ചെയ്തിരുന്നു.സംഭവത്തില്‍ 25 പേര്‍ക്കെതിരേ പൊലിസ് ജാമ്യമില്ലാ വകുപ്പിട്ട് കേസെടുത്തിരുന്നു.