മാള: തൈക്കൂട്ടം തൂക്കുപാലത്തിലെ കമ്പികള്‍ തുരുമ്പെടുത്ത് നശിക്കുന്നു. അന്നമനട പഞ്ചായത്തിലെ  തൈക്കൂട്ടം പ്രദേശത്തെയും കാടുകുറ്റിപഞ്ചായത്തിനെയും തമ്മില്‍ ബന്ധിപ്പളക്കുന്ന തൈക്കൂട്ടം  തൂക്കുപാലം കഴിഞ്ഞ വര്‍ഷമാണ് ഉദ്ഘാടനം  ചെയ്തത്.പാലം  നിര്‍മാണത്തിനു ഉപയോഗിച്ച കമ്പികള്‍ നിലവാരം കുറഞ്ഞതായതിനാലാണ് ഒരു  വര്‍ഷത്തിനകം തുരുമ്പെടുത്ത് നശിക്കുന്നതിന് കാരണമായതെന്നാണ് നാട്ടുകാര്‍  പറയുന്നത്. തൂക്കുപാലത്തിന്റെ അറ്റകുറ്റപണികള്‍ ഉടന്‍ നടത്താന്‍ അടിയന്തിര  നടപടി  സ്വീകരിച്ച് ജനങ്ങളുടെ സുരക്ഷ  ഉറപ്പ് വരുത്തണമെന്ന്  നാട്ടുകാര്‍  ആവശ്യപ്പെട്ടു.