കോഴിക്കോട്: പാര്‍ട്ടി ഓഫിസുകള്‍ക്കു നേരെയുണ്ടായ അക്രമത്തില്‍ പ്രതിഷേധിച്ച് സംഘ്പരിവാര്‍ സംഘടനകളുടെ നേതൃത്വത്തില്‍ അഞ്ചു നിയോജക മണ്ഡലത്തില്‍ ഇന്ന് ഹര്‍ത്താല്‍ പ്രഖ്യാപിച്ചു. വടകര, പേരാമ്പ്ര, കൊയിലാണ്ടി, കുറ്റ്യാടി, നാദാപുരം മണ്ഡലങ്ങളില്‍ രാവിലെ ആറ് മുതല്‍ വൈകിട്ട് ആറു വരെയാണ് ഹര്‍ത്താല്‍.
തിരുവള്ളൂര്‍ പഞ്ചായത്തില്‍ യു.ഡി.എഫും ഹര്‍ത്താലിന് ആഹ്വാനം ചെയ്തിട്ടുണ്ട്. കുറ്റ്യാടി നിയോജക മണ്ഡലം മുസ്‌ലിം ലീഗ് ഓഫിസിന് നേരെയുണ്ടായ സി.പി.എം അക്രമത്തില്‍ പ്രതിഷേധിച്ചാണ് യു.ഡി.എഫ് ഹര്‍ത്താല്‍ പ്രഖ്യാപിച്ചത്.