മാവൂര്‍: കരിഞ്ചോല മലയിലെ ഉരുള്‍പൊട്ടലില്‍ വീടുകള്‍ നഷ്ടപ്പെട്ട കുടുംബങ്ങള്‍ക്ക് കൈത്താങ്ങാവാന്‍ മാവൂര്‍ ഗവ. ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റ് ശേഖരിച്ച ഗൃഹനിര്‍മാണ ഫണ്ട് പ്രിന്‍സിപ്പല്‍ ശൈലജദേവി സ്‌കൂളില്‍ നടന്ന ചടങ്ങില്‍ കോഴിക്കോട് റൂറല്‍ ക്ലസ്റ്റര്‍ പി.എ.സി അംഗം എ.പി മിനിയ്ക്കു കൈമാറി.
സ്‌പോര്‍ട്‌സ് ഫെസ്റ്റ്, ആര്‍ട്‌സ് ഫെസ്റ്റ് ദിനങ്ങളില്‍ നാടന്‍ തട്ടുകട നടത്തിയാണ് വീട് നഷ്ടപ്പെട്ട രണ്ടു കുടുംബങ്ങള്‍ക്ക് സഹായം നല്‍കുന്നതിനുള്ള പ്രവര്‍ത്തനത്തില്‍ പങ്കാളികളായത്. ഇതു കൂടാതെ കുട്ടികളില്‍ നിന്നും ശേഖരിച്ച തുക ഉള്‍പ്പെടെ 13410 രൂപയാണ് കരിഞ്ചോലമല ഗൃഹനിര്‍മാണ ഫണ്ടിലേക്ക് കൈമാറിയത്. പ്രോഗ്രാം ഓഫിസര്‍ കെ. ഷീബയും മറ്റു അധ്യാപകരും വിദ്യാര്‍ഥികള്‍ക്ക് പിന്തുണ നല്‍കി.