നെടുമ്പാശേരി: ബംഗളൂരുവിലേക്ക് പോകാന്‍ നെടുമ്പാശേരി വിമാനത്താവളത്തിലെത്തിയ യാത്രക്കാരന്റെ ബാഗേജില്‍നിന്ന് എട്ട് വെടിയുണ്ടകള്‍ കണ്ടെത്തി. സി.ഐ.എസ്.എഫ് പിടികൂടിയ യാത്രക്കാരനെ നെടുമ്പാശേരി പൊലിസിന് കൈമാറി. തൃശൂര്‍ മണലൂര്‍ പാലാഴിദേശം കണിയാംപറമ്പില്‍ കെ.ബി രഘുരാമന്‍(50) ആണ് പിടിയിലായത്. ഇന്നലെ ഉച്ചയ്ക്ക് നെടുമ്പാശേരിയില്‍നിന്ന് ബംഗളൂരുവിലേക്ക് പോകാനെത്തിയ ഇയാളുടെ ചെക്ക് ഇന്‍ ബാഗേജിലാണ് എക്‌സ്‌റേ പരിശോധനകള്‍ക്കിടെ വെടിയുണ്ടകള്‍ കണ്ടെത്തിയത്.