തൃശൂര്‍: റവന്യൂ ജില്ലാ സ്‌കൂള്‍ കായികമേളയില്‍ ഇരിങ്ങാലക്കുട ഉപജില്ല മുന്നേറ്റം തുടരുന്നു.
90 പോയിന്റ് കരസ്ഥമാക്കിയാണ് ഇരിങ്ങാലക്കുട ഉപജില്ല ഒന്നാം സ്ഥാനത്ത് തുടരുന്നത്. വലപ്പാട് ഉപജില്ല 81 പോയിന്റുമായി രണ്ടാം സ്ഥാനത്തുണ്ട്. 40 പോയിന്റ് കരസ്ഥമാക്കിയ കൂന്നംകുളം ഉപജില്ലയാണ് മൂന്നാം സ്ഥാനത്തുള്ളത്. തൃശൂര്‍ ഗവ. എന്‍ജീനിയറിങ് കോളജ് ഗ്രൗണ്ടിലാണ് കായികമേള നടക്കുന്നത്. മൂവായിരം മീറ്റര്‍, 100 മീറ്റര്‍, 800 മീറ്റര്‍ , 600 മീറ്റര്‍ റിലേ , ഷോട്ട്പുട്ട്, ട്രിപ്പിള്‍ ജംപ് എന്നീ ഇനങ്ങളിലാണ് ഇന്ന് മത്സരങ്ങള്‍ നടക്കുന്നത്.
പ്രതികൂല കാലാവസ്ഥ മൂലം പല മത്സരങ്ങളും പൂര്‍ത്തിയാക്കാനാകാത്ത സ്ഥിതിയാണ്. സ്‌കൂള്‍ തലത്തില്‍ 60 പോയിന്റ് കരസ്ഥമാക്കി നാട്ടിക ഫിഷറീസ് ഹയര്‍സെക്കന്‍ഡറി സ്‌കൂള്‍ ഒന്നാം സ്ഥാനത്ത് തുടരുന്നു.
നാഷണല്‍ ഹൈസ്‌കൂള്‍ ഇരിങ്ങാലക്കുട 54 പോയിന്റ് കരസ്ഥമാക്കി രണ്ടാം സ്ഥാനത്തുണ്ട്. 26 പോയിന്റ് നേടിയ കോണ്‍കോഡ് കുന്നംകുളമാണ് മൂന്നാം സ്ഥാനത്തുള്ളത്. കായികമേള ഇന്ന് സമാപിക്കും.