ബേക്കല്‍: പെരിയാട്ടടുക്കം കാട്ടിയടുക്കത്തെ പരേതനായ പക്കീരന്റെ ഭാര്യ ദേവകിയമ്മയെ കൊലപ്പെടുത്തിയ സംഭവത്തില്‍ കേസന്വേഷണം ക്രൈംബ്രാഞ്ചിനു കൈമാറി. കാസര്‍കോട്ടെ റിയാസ് മൗലവി കൊലപാതക കേസില്‍ മണിക്കൂറുകള്‍ക്കകം പ്രതികളെ അറസ്റ്റു ചെയ്ത ക്രൈംബ്രാഞ്ച് എസ്.പി ഡോ. എ. ശ്രീനിവാസനാണ് അന്വേഷണ ചുമതല. തനിച്ചു താമസിക്കുകയായിരുന്ന ദേവകിയമ്മയെ കഴിഞ്ഞ ജനുവരി 13നാണ് കൊല്ലപ്പെട്ട നിലയില്‍ കണ്ടെത്തിയത്.
കേസില്‍ അന്വേഷണം ഇഴഞ്ഞു നീങ്ങിയതോടെ സി.പി.എം, കോണ്‍ഗ്രസ്, ബി.ജെ.പി പാര്‍ട്ടികളുടെ നേതൃത്വത്തില്‍ പ്രതിഷേധ സംഗമങ്ങളും പൊലിസ് സ്റ്റേഷന്‍ മാര്‍ച്ച് ഉള്‍പ്പെടെയുള്ള സമരങ്ങളും നടന്നിരുന്നു.