കോട്ടയം: കേരളത്തിലെത്തിയ ബി.ജെ.പി ദേശീയ അധ്യക്ഷന്‍ അമിത് ഷായുമായി കൂടിക്കാഴ്ചക്ക് കേരളാകോണ്‍ഗ്രസ് (എം) ചെയര്‍മാന്‍ കെ.എം മാണി ആഗ്രഹിച്ചിരുന്നുവെന്നും കൂടിക്കാഴ്ച പൊളിച്ചത് അല്‍ഫോണ്‍സ് കണ്ണന്താനവും പി.സി തോമസും ചേര്‍ന്നായിരുന്നുവെന്നും പി.സി ജോര്‍ജ്.
മാണി ആവശ്യപ്പെട്ടിട്ടും അമിത് ഷാ അദ്ദേഹത്തെ കാണാന്‍ കൂട്ടാക്കിയില്ല. മാണിയുമായി കൂട്ടുകൂടിയതുകൊണ്ട് യാതൊരു പ്രയോജനവുമില്ലെന്ന യഥാര്‍ഥ ചിത്രം കണ്ണന്താനം ബോധ്യപ്പെടുത്തിയതിന്റെ അടിസ്ഥാനത്തിലാണ് അമിത് ഷാ കൂടിക്കാഴ്ചയില്‍നിന്ന് പിന്‍മാറിയതെന്നും ജോര്‍ജ് വാര്‍ത്താസമ്മേളനത്തില്‍ പറഞ്ഞു.