HOME
DETAILS

യുവാക്കളെ ആക്രമിച്ച സംഭവം; പ്രതികള്‍ റിമാന്‍ഡില്‍

  
backup
October 24 2018 | 07:10 AM

%e0%b4%af%e0%b5%81%e0%b4%b5%e0%b4%be%e0%b4%95%e0%b5%8d%e0%b4%95%e0%b4%b3%e0%b5%86-%e0%b4%86%e0%b4%95%e0%b5%8d%e0%b4%b0%e0%b4%ae%e0%b4%bf%e0%b4%9a%e0%b5%8d%e0%b4%9a-%e0%b4%b8%e0%b4%82%e0%b4%ad%e0%b4%b5

ബേക്കല്‍: യുവാവിനെയും സുഹൃത്തിനെയും ആക്രമിച്ച് കൊലപ്പെടുത്താന്‍ ശ്രമിച്ച കേസിലും കാസര്‍കോട് നഗരത്തില്‍ ഗുണ്ടാവിളയാട്ടം നടത്തിയതിനും അറസ്റ്റിലായ യുവാക്കളെ റിമാന്‍ഡ് ചെയ്തു. കീഴൂര്‍ സ്വദേശികളായ ഷാന്‍ എന്ന ഷാനവാസ് (28), അബു താഹിര്‍ (24) എന്നിവരെയാണ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി റിമാന്‍ഡ് ചെയ്തത്.
ബേക്കല്‍ എസ്.ഐ കെ.പി വിനോദ് കുമാറിന്റെ നേതൃത്വത്തിലുള്ള പൊലിസ് സംഘം കഴിഞ്ഞ ദിവസമാണ് പ്രതികളെ അറസ്റ്റു ചെയ്തത്. കേസില്‍ ഇവരുടെ കൂട്ടാളികളെ കണ്ടെത്താന്‍ അന്വേഷണം ഊര്‍ജിതമാക്കിയതായി ബേക്കല്‍ പൊലിസ് പറഞ്ഞു.
ഇക്കഴിഞ്ഞ സെപ്റ്റംബര്‍ ഏഴിന് ഉച്ചയ്ക്ക് കളനാട് ഹെല്‍ത്ത് സെന്ററിന് സമീപം വച്ച് മേല്‍പറമ്പ് കൈനോത്ത് സ്വദേശി ഫിറോസിനെയും സുഹൃത്ത് മൊയ്തീന്‍ നാസറിനെയും ആക്രമിച്ച് കൊലപ്പെടുത്താന്‍ ശ്രമിച്ച കേസിലെ പ്രതികളാണ് ഷാനവാസും അബൂതാഹിറും.
ബേക്കല്‍ പൊലിസ് നരഹത്യാശ്രമത്തിനാണ് ഇവര്‍ക്കെതിേെര കേസെടുത്തത്. പ്രതികള്‍ ഒളിവില്‍ കഴിയുന്ന സ്ഥലം രഹസ്യവിവരത്തിന്റെ അടിസ്ഥാനത്തില്‍ മനസിലാക്കിയ പൊലിസ് താവളം വളയുകയും കീഴൂര്‍ കടപ്പുറത്തു വച്ച് ഓടിച്ചിട്ടു പിടികൂടുകയുമായിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."