തളിപ്പറമ്പ്: ക്ലോസറ്റിനകത്ത് കാല്‍ കുടുങ്ങി അവശനിലയിലായ പെണ്‍കുട്ടിയെ അഗ്നിശമനസേന രക്ഷപ്പെടുത്തി. ഇന്നലെ വൈകുന്നേരം ആറരയോടെയാണ് സംഭവം. ബക്കളം മരിയന്‍ സെന്ററിലെ അന്തവാസിയായ 16 കാരിയാണ് ശുചിമുറിയിലെ ക്ലോസെറ്റില്‍ കാല്‍ കുടുങ്ങി പുറത്തെടുക്കാനാവാതെ വിഷമിച്ചത്. തുടര്‍ന്ന് തളിപ്പറമ്പ് ഫയര്‍ സ്റ്റേഷന്‍ ഓഫിസര്‍ കെ.പി ബാലകൃഷ്ണന്റെ നേതൃത്വത്തിലെത്തിയ അഗ്നിശമനസേനാംഗങ്ങള്‍ ക്ലോസെറ്റ് അതീവ ശ്രദ്ധയോടെ പൊളിച്ച് പെണ്‍കുട്ടിയുടെ കാല്‍ പുറത്തെടുക്കുകയായിരുന്നു.