പട്ടാമ്പി: ചലച്ചിത്ര സംഗീത കുലപതി എം.കെ അര്‍ജ്ജുനന്‍ മാസ്റ്റര്‍ക്ക് പതിമൂന്നാമത് പള്ളിപ്പുറം കൊടിക്കുന്ന് ദേവി പുരസ്‌ക്കാരം പ്രഖ്യാപിച്ചു. നവംബര്‍ മൂന്നിന് ശനിയാഴ്ച രാവിലെ പത്തിന് പൂരം പടഹാര സദസ്സില്‍ വെച്ച് ക്ഷേത്രം ട്രസ്റ്റി സാമൂതിരി രാജാവ് അര്‍ജ്ജുനന്‍ മാസ്റ്റര്‍ക്ക് അവാര്‍ഡ് സമ്മാനിക്കും.
പതിനായിരത്തിഒന്ന് രൂപയും ഫലകവും പ്രശസ്തി പത്രവും അടങ്ങുന്നതാണ് കൊടിക്കുന്ന് ദേവി പുരസ്‌ക്കാരം. കവിയും ഗാന രചയിതാവുമായ എസ്.രമേശന്‍ നായര്‍, സംഗീത സംവിധായകന്‍ വിദ്യാധരന്‍ മാസ്റ്റര്‍, സംസ്‌കൃതപണ്ഡിതന്‍ കെ.പി. അച്യുതപിഷാരടി പുരസ്‌ക്കാര സമര്‍പ്പണ ചടങ്ങില്‍ സംബന്ധിക്കും.