മുട്ടില്‍: എം.എസ്എഫ് കല്‍പ്പറ്റ നിയോജകമണ്ഡലം ജന.സെക്രട്ടറിക്ക് മര്‍ദനമേറ്റതായി പരാതി.
എം.എസ്.എഫ് കല്‍പ്പറ്റ നിയോജക മണ്ഡലം ജന.സെക്രട്ടറിയും മുട്ടില്‍ ഡബ്ല്യു.എം.ഒ കോളജ് രണ്ടാം വര്‍ഷ വിദ്യാര്‍ഥിയുമായ ഫായിസ് തലക്കലിനെയാണ് എസ്.എഫ്.ഐ- ഡി.വൈ.എഫ്.ഐ പ്രവര്‍ത്തകര്‍ ചേര്‍ന്ന് ക്രൂരമായി മര്‍ദിച്ചതായി പരാതി.
കോളജിലെ വിദ്യാര്‍ഥി യൂനിയന്‍ ഉദ്ഘാടനത്തിന് ശേഷം വൈകിട്ട് വീട്ടിലേക്കു മടങ്ങുകയായിരുന്ന ഫായിസിനെ ഡി.വൈ.എഫ്.ഐയുടെ ആളുകള്‍ സംഘം ചേര്‍ന്ന് തടഞ്ഞു നിര്‍ത്തി മാരകായുധങ്ങള്‍ കൊണ്ട് ക്രൂരമായി മര്‍ദിക്കുകയായിരുന്നുവെന്ന് എം.എസ്.എഫ് ആരോപിച്ചു.
മൂക്കിനും തലക്കും ഗുരുതരമായി പരുക്കേറ്റ ഫായിസിനെ മേപ്പാടിയിലെ സ്വകാര്യ മെഡിക്കല്‍ കോളജില്‍ അത്യാഹിത വിഭാഗത്തില്‍ പ്രവേശിപ്പിച്ചു.
കോളജ് തെരഞ്ഞെടുപ്പില്‍ ഫായിസിന്റെ നേതൃത്വത്തില്‍ എം.എസ്.എഫ് മുഴുവന്‍ സീറ്റുകളും നേടിയതില വൈരാക്യമാണ് അക്രമണത്തിന് കാരണമെന്നും എം.എസ്.എഫ് ആരേപിച്ചു.