HOME
DETAILS

നഗരസഭാ യോഗത്തില്‍നിന്ന് യു.ഡി.എഫ് അംഗങ്ങള്‍ ഇറങ്ങിപ്പോയി

  
backup
October 27 2018 | 03:10 AM

%e0%b4%a8%e0%b4%97%e0%b4%b0%e0%b4%b8%e0%b4%ad%e0%b4%be-%e0%b4%af%e0%b5%8b%e0%b4%97%e0%b4%a4%e0%b5%8d%e0%b4%a4%e0%b4%bf%e0%b4%b2%e0%b5%8d%e2%80%8d%e0%b4%a8%e0%b4%bf%e0%b4%a8%e0%b5%8d%e0%b4%a8%e0%b5%8d

വടകര: തെരുവുവിളക്കുകള്‍ പ്രവര്‍ത്തനക്ഷമമാക്കുന്നതിന് വടകര നഗരസഭ നടപടി സ്വീകരിക്കുന്നില്ലെന്ന് കുറ്റപ്പെടുത്തി കൗണ്‍സില്‍ യോഗത്തില്‍ നിന്ന് യു.ഡി.എഫ് അംഗങ്ങള്‍ ഇറങ്ങിപ്പോയി.
നഗരസഭാ യോഗം ആരംഭിച്ചയുടന്‍ ശൂന്യവേളയിലാണ് പ്രതിപക്ഷം വിഷയം ഉന്നയിച്ചത്. ചെയര്‍മാന്റെ മറുപടി തൃപ്തികരമല്ലാത്തതിനാല്‍ മുദ്രാവാക്യം വിളികളോടെ പ്രതിപക്ഷ കൗണ്‍സിലര്‍മാര്‍ കൗണ്‍സില്‍ യോഗത്തില്‍ നിന്ന് ഇറങ്ങിപ്പോവുകയായിരുന്നു.
നഗരസഭാ പരിധിയില്‍ കേടായ ലൈറ്റുകള്‍ മാറ്റി സ്ഥാപിക്കുന്ന പ്രവൃത്തി ആറ് മാസത്തോളമായി നിലച്ചിരിക്കുകയാണെന്ന് കോണ്‍ഗ്രസ് അംഗം പി കേളു ചൂണ്ടിക്കാട്ടി. ലൈറ്റുകള്‍ മാറ്റി സ്ഥാപിക്കുന്നതുമായി ബന്ധപ്പെട്ട് ചെയര്‍മാന്‍ നല്‍കിയ ഉറപ്പുകള്‍ ഒന്നും പാലിച്ചില്ലെന്ന് മുസ്്‌ലിംലീഗിലെ നഫ്‌സല്‍ എന്‍.പി.എം കുറ്റപ്പെടുത്തി.
വിഷയം ചൂണ്ടിക്കാട്ടിയതിന് ശേഷം യു.ഡി.എഫ് കൗണ്‍സിലര്‍മാര്‍ യോഗത്തില്‍ നിന്ന് ഇറങ്ങിപ്പോരുകയായിരുന്നു. നഗരസഭാ ഓഫിസ് കവാടത്തിന് മുന്നിലും യു.ഡി.എഫ് പ്രതിഷേധം അരങ്ങേറി. പ്രതിഷേധത്തിന് പി കേളു, എം.പി അഹമ്മദ്, മുഹമ്മദ് റാഫി, നഫ്‌സല്‍ എന്‍.പി.എം, പി.എം മുസ്തഫ, പി സഫിയ, ബുഷ്‌റ കെ.എം, സുരേഷ് ബാബു നേതൃത്വം നല്‍കി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."