വ്ലാദിവസ്‌തോക്: രണ്ടു ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി റഷ്യയിലാണ്. ഇന്നലെ കിഴക്കന്‍ പ്രദേശമായ വ്ലാദിവസ്‌തോകിലെത്തിയ മോദിക്ക് നല്ല സ്വീകരണമാണ് ലഭിച്ചത്. അതിനിടെ, ഫോട്ടോ സെഷനില്‍ മോദിയുടെ പെരുമാറ്റം കാണിച്ച് ട്വിറ്ററില്‍ ഒരു വീഡിയോ പോസ്റ്റ് ചെയ്തിരിക്കുകയാണ് മന്ത്രി പിയൂഷ് ഗോയല്‍.

അഞ്ചാമത് കിഴക്കന്‍ സാമ്പത്തിക ഫോറത്തില്‍ സംബന്ധിക്കാനെത്തിയ മോദിയുടെ ഫോട്ടോഷൂട്ട് നടത്തുന്നതാണ് വീഡിയോ. നിരവധി ഉദ്യോഗസ്ഥരുടെ കൂട്ടത്തില്‍ മോദിക്കു മാത്രം പ്രത്യേകം സോഫയും ബാക്കിയുള്ളവര്‍ക്കെല്ലാം കസേരയുമാണ് ഇട്ടിരുന്നത്. എന്നാല്‍ മോദി എത്തി, തനിക്ക് മാത്രം എന്തിനാണ് സോഫയെന്ന് ചോദിച്ച് മറ്റുള്ളവര്‍ക്കിട്ട പോലെ തന്നെ കസേരയിടാന്‍ നിര്‍ദേശിക്കുകയായിരുന്നു.

PM @NarendraModi जी की सरलता का उदाहरण आज पुनः देखने को मिला, उन्होंने रूस में अपने लिए की गई विशेष व्यवस्था को हटवा कर अन्य लोगों के साथ सामान्य कुर्सी पर बैठने की इच्छा जाहिर की। pic.twitter.com/6Rn7eHid6N

— Piyush Goyal (@PiyushGoyal) September 5, 2019

മോദിയുടെ ലാളിത്യത്തെ വിശേഷിപ്പിക്കാന്‍ വാക്കുകളില്ലെന്നു പറഞ്ഞാണ് പിയൂഷ് ഗോയല്‍ ഈ വീഡിയോ ട്വീറ്റ് ചെയ്തിരിക്കുന്നത്.