HOME
DETAILS

അവധിയ്ക്കു ശേഷം തിരികെവരുമെന്ന് ജേക്കബ് തോമസ്

  
backup
June 11 2017 | 06:06 AM

%e0%b4%85%e0%b4%b5%e0%b4%a7%e0%b4%bf%e0%b4%af%e0%b5%8d%e0%b4%95%e0%b5%8d%e0%b4%95%e0%b5%81-%e0%b4%b6%e0%b5%87%e0%b4%b7%e0%b4%82-%e0%b4%a4%e0%b4%bf%e0%b4%b0%e0%b4%bf%e0%b4%95%e0%b5%86%e0%b4%b5%e0%b4%b0

തിരുവനന്തപുരം: അവധിക്ക് ശേഷം ജൂണ്‍ 17 ഓടെ ജോലിയില്‍ തിരികെ വരുമെന്ന് ഡി.ജി.പി ജേക്കബ് തോമസ്. പുതിയ ചുമതലയെ കുറിച്ച് സര്‍ക്കാരില്‍ നിന്ന് അറിയിപ്പ് കിട്ടിയില്ലെന്നും ജേക്കബ് തോമസ് പറഞ്ഞു.

അഴിമതിക്കെതിരെ എല്ലാവരും ഒറ്റക്കെട്ടായി പോരാടണമെന്ന് അദ്ദേഹം ആവശ്യപ്പെട്ടു. പാറ്റൂര്‍ കേസിലെ 12 പക്ഷപാതിത്വങ്ങള്‍ പുസ്തകത്തില്‍ എഴുതിയിരുന്നു. പക്ഷെ ഇതു തിരുത്താന്‍ ബന്ധപ്പെട്ടവര്‍ തയാറായിട്ടില്ലെന്നും ജേക്കബ് തോമസ് പറഞ്ഞു. ഇക്കാര്യത്തില്‍ കെടുകാര്യസ്ഥത ഇപ്പോളും തുടരുകയാണെന്നും ജേക്കബ് തോമസ് വ്യക്തമാക്കി.

ഹൈക്കോടതിയില്‍ നിന്നും വ്യാപകമായ വിമര്‍ശനമുയര്‍ന്ന സാഹചര്യത്തിലാണ് വിജിലന്‍സ് ഡയറക്ടറായിരുന്ന ജേക്കബ് തോമസിനോട് അവധിയില്‍ പോകാന്‍ സര്‍ക്കാര്‍ നിര്‍ദ്ദേശിച്ചത്. ആദ്യം ഒരു മാസത്തേക്കാണ് അദ്ദേഹം അവധിയ്ക്ക് അപേക്ഷ നല്‍കിയിരുന്നത്. പിന്നീട് സര്‍ക്കാര്‍ നിര്‍ദ്ദേശ പ്രകാരം അവധി നീട്ടുകയായിരുന്നു.

ഇതിനിടെ വിജിലന്‍സ് ഡയറക്ടറുടെ താത്കാലിക ചുമതല ഡി.ജി.പിയായിരുന്ന ലോക്‌നാഥ് ബെഹ്‌റയ്ക്ക് കൈമാറി. പിന്നീട് കോടതി ഉത്തരവിനെ തുടര്‍ന്ന് സെന്‍കുമാര്‍ പൊലിസ് മേധാവിയായി തിരികെ എത്തിയപ്പോള്‍ ബെഹ്‌റയ്ക്ക് വിജിലന്‍സിന്റെ പൂര്‍ണ ചുമതല നല്‍കിയിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."