കോറോം: അജ്ഞാതജീവി കര്‍ഷകന്റെ മൂന്ന് ആടുകളെ കൊന്നു. തൊണ്ടര്‍നാട്-കോറോം കോട്ടയില്‍ ദാസന്റെ ആടുകളെയാണ് അജ്ഞാതജീവി കൊന്നത്.
ഇന്നലെ രാവിലെ പത്തിന് വീടിനോട് ചേര്‍ന്ന ഭാഗത്ത് കെട്ടിയിട്ടിരുന്ന ആടുകളെയാണ് അജ്ഞാതജീവി ആക്രമിച്ചത്. ഉച്ചക്ക് 12ഓടെ രണ്ടെണ്ണം കൊല്ലപ്പെട്ട നിലയിലും ഒരെണ്ണത്തിനെ കാണാതാവുകയും ചെയ്തത്.
രണ്ട് വയസ് പ്രായമുള്ള ആടിനെ സംഭവസ്ഥലത്ത് ഏറെക്കുറെ പൂര്‍ണമായും ഭക്ഷിച്ച നിലയിലും ഒന്നര വയസുള്ള മറ്റൊരാടിനെ കൊന്ന നിലയിലും കാണപ്പെട്ടു.
 വനം വകുപ്പ് അധികൃതര്‍ സ്ഥലത്തെത്തി പരിശോധന നടത്തി. ഏകദേശം 30000 രൂപയുടെ നഷ്ടമാണ് കണക്കാക്കപ്പെടുന്നത്.