തൃപ്രയാര്‍: പൈനൂര്‍ എന്‍.എല്‍.പി സ്‌കൂളിലെ കുട്ടികള്‍ക്കാണ് നാട്ടിക ഫയര്‍‌സ്റ്റേഷനില്‍ സ്വീകരണവും ഉപകരണങ്ങള്‍ പരിചയപ്പെടുത്തലും സംഘടിപ്പിച്ചത്.
സ്റ്റേഷന്‍ ഓഫിസര്‍ കെ.യു വിജയകൃഷ്ണന്‍ മധുരം നല്‍കി സ്വീകരിച്ചു. ലീഡിങ് ഫയര്‍മാന്‍ ബ്രിജിലാല്‍ പ്രവര്‍ത്തനങ്ങളെ കുറിച്ചും ഉപകരണങ്ങളെ കുറിച്ചും വിശദീകരണം നല്‍കി. മൊബൈല്‍ ടാങ്ക് യൂനിറ്റ്, മിനി വാട്ടര്‍ മിസ്റ്റ് ടെന്റര്‍, ഹൈഡ്രോളിക്ക് കട്ടര്‍, അഗ്നിശമനി, ചെയ്ന്‍ സോ, ലൈഫ് ജാക്കറ്റ്, വാട്ടര്‍ മിസ്റ്റ് പമ്പ് തുടങ്ങി എല്ലാ ഉപകരണങ്ങളുടെയും പ്രവര്‍ത്തനങ്ങള്‍ പരിചയപ്പെടുത്തി.
അസി. സ്റ്റേഷന്‍ ഓഫിസര്‍ ആര്‍.ബാബു, ഗ്രേഡ് അസി. സ്റ്റേഷന്‍ ഓഫിസര്‍ സി.കെ അനില്‍ കുമാര്‍, പ്രധാനാധ്യാപിക കെ.ജി നിമ്മി, കെ.ഡി ദീപക്, ഷെമീര്‍ എളേടത്ത് സന്നിഹിതരായിരുന്നു.