റായ്ബറേലി: ബുലന്ദ്ശഹര്‍ മാനഭംഗത്തിന്റെ വാര്‍ത്തകള്‍ അവസാനിക്കും മുന്‍പ് ഉത്തര്‍പ്രദേശില്‍ വീണ്ടും പീഡനം. റായ്ബറേലിയിലെ ദേശീയപാത 24 നടുത്ത വയലിലാണ് അക്രമികള്‍ അധ്യാപികയെ കൂട്ടമാനഭംഗത്തിനിരയാക്കിയത്. മാനഭംഗം മൊബൈല്‍ കാമറയില്‍ പകര്‍ത്തുകയും ചെയ്തു.

ചൊവ്വാഴ്ചയാണ് സംഭവം നടന്നത്. റായ്ബറേലിയിലെ ഒരു സ്‌കൂളില്‍ അധ്യാപികയായ യുവതി ജോലിക്കു പോകുമ്പോള്‍ കാറിലെത്തിയ മൂന്നംഗ സംഘം ബലമായി വാഹനത്തില്‍ കയറ്റുകയായിരുന്നു. തുടര്‍ന്നു തോക്കു ചൂണ്ടി ഭീഷണിപ്പെടുത്തിയ ശേഷം ദേശീയപാതയ്ക്കടുത്തുള്ള കരിമ്പിന്‍ പാടത്തേക്ക് എത്തിക്കുകയായിരുന്നു. പീഡിപ്പിച്ച ശേഷം അക്രമികള്‍ രക്ഷപ്പെട്ടു.

പീഡന വിവരം പുറത്തു പറഞ്ഞാല്‍ വീഡിയോ ദൃശ്യങ്ങള്‍ സാമൂഹ്യ മാധ്യമങ്ങള്‍ വഴി പുറത്തു വിടുമെന്നും ഇവര്‍ ഭീഷണിപ്പെടുത്തി. സംഭവത്തെ കുറിച്ച് അന്വേഷിച്ചു വരുന്നതായി പൊലിസ് പറഞ്ഞു.