ശ്രീകണ്ഠപുരം: ശ്രീകണ്ഠപുരം- ഇരിക്കൂര്‍ സംസ്ഥാനപാതയിലെ കുഴിയില്‍ വീണ കാര്‍ നിയന്ത്രണംവിട്ടു മറിഞ്ഞു. ഇന്നലെ വൈകിട്ട് ഇരിക്കൂര്‍ ഭാഗത്തുനിന്നും വരുന്ന കാറാണ് അപകടത്തില്‍പ്പെട്ടത്.
കാറിലുള്ളവര്‍ പരുക്കില്ലാതെ രക്ഷപ്പെട്ടു. കോട്ടൂര്‍ അമ്പലത്തിന് സമീപമുള്ള കുഴിയില്‍ മഴ വെള്ളം നിറഞ്ഞതാണ് അപകടകാരണം. ഡ്രൈവര്‍ കുഴി കണ്ടിരുന്നില്ല. റോഡിന്റെ സമീപത്തു ഓവുചാലുണ്ടെങ്കിലും അതുമാലിന്യത്താല്‍ മൂടിയതാണ് വെള്ളം റോഡിലേക്ക് ഒഴുകാന്‍ കാരണം. കുഴിനികത്താത്തതില്‍ നാട്ടുകാര്‍ വാഴനട്ടു പ്രതിഷേധിച്ചു.