ഊട്ടി: ഊട്ടിയില്‍ പട്ടാപ്പകല്‍ വീട്ടിനുള്ളില്‍ അതിക്രമിച്ച് കടന്ന് കവര്‍ച്ച നടത്തി. ഊട്ടി സ്വദേശി ഗോപിനാഥിന്റെ വീട്ടിനുള്ളില്‍ അതിക്രമിച്ച് കടന്ന അജ്ഞാത സംഘം ഭാര്യ അര്‍ച്ചന ദേഹത്ത് അണിഞ്ഞിരുന്ന പത്ത് പവന്‍ സ്വര്‍ണാഭരണം മോഷ്ടിക്കുകയായിരുന്നു. കുടിവെള്ളം ചോദിച്ചെത്തിയ സംഘം യുവതി അകത്തേക്ക് പോയസമയത്ത് കെട്ടിയിടുകയായിരുന്നു. തുടര്‍ന്ന് ആഭരണങ്ങള്‍ അഴിച്ചെടുത്ത് രക്ഷപ്പെട്ടു. ഭര്‍ത്താവ് ജോലിക്ക് പോയ സമയത്തായിരുന്നു സംഭവം.ഇന്‍സ്‌പെക്ടര്‍ വിനായകം, ഡോഗ് സ്‌ക്വാഡ്, വിരലടയാള വിദഗ്ധര്‍ എന്നിവര്‍ സ്ഥലത്തെത്തി പരിശോധന നടത്തി.